TIRANË– Partia Demokratike e drejtuar nga Sali Berisha ka ankimuar këtë të hënë në Kolegjin Zgjedhor vendimin e Komisionit të Ankimimeve dhe Sanksioneve (KAS), i cili la jashtë zgjedhjeve vendore të 14 majit kandidatët e PD-së të dalë nga procesi i primareve.
Në ankimimin e bërë sot kryedemokrati Sali Berisha kërkon ç’regjistrimin nga zgjedhjet lokale të Partisë Demokratike me kryetar të komanduar Enkelejd Alibeajn, regjistrimin në garën e 14 majit të PD-së me kryetar Berishën, si dhe kërkon që PD të jetë pjesë e koalicionit opozitar ‘Bashkë Fitojmë’.
