TIRANË– Kandidati i koalicionit “Bashkë Fitojmë” për bashkinë e Himarës Fredi Bejleri është zyrtarisht nën arrest. Sipas dokumentit të siguruar nga Newszone, Bejleri është arrestuar për akuzën e korrupsionit në zgjedhje të kryer në bashkëpunim. Fredi Bejleri u arrestua pak pas mesnatës nga agjentët e Prokurorisë së Posaçme Kundër Korrupsionit dhe Krimit të Organizuar (SPAK). Në urdhër arrest shkruhet se Bejleri është arrestuar në flagrancë.
