TIRANË– Kreu i Strukturës së Posaçme Kundër Korrupsionit dhe Krimit të Organizuar (SPAK) Altin Dumani u ka dërguar një letër familjarëve të Aleks Nikës, i cili u vra në protestën e dhunshme të 21 janarit të vitit 2011 përpara Kryeministrisë. Në letërën dërguar familjarëve të Nikës Dumani sqaron dhe arsyet se pse SPAK nuk mund ta hetojë këtë çështje që mbetet në stoqet e drejtësisë si një nga ngjarjet më të rënda që ende nuk është zbardhur plotësisht. Dumani bën me dije se nuk është në kompetencën e Prokurorisë së Posaçme që të hetojë këtë ngjarje. Sipas SPAK, nga hetimet e kryera deri më tani nga Prokuroria e Tiranës, nuk ka asnjë element që sugjeron përfshirjen e subjekteve të përmendura në kallëzim, për këtë ngjarje.
“Për këtë arsye, referuar nenit 75/a, 76 dhe 28 te K.Pr.Penale ju përcjellim për kompetencë lëndore materialin kallëzues me nr. K.137 prot., date 16.02.2023, me qëllim vlerësimi nga ana juaj. Nëse në vijim të verifikimeve apo hetimeve, do të konstatohet ekzistenca e ndonjë vepre penale apo subjekt në kompetencë hetimi sipas nenit 75/a të Kodit të Procedurës Penale, atëherë aktet e procedimit penal të dërgohen për kompetencë lëndore në Prokurorinë e Posaçme Kundër Korrupsionit dhe Krimit të Organizuar, referuar dhe nenit 28 të Kodit të Procedurës Penale”, thuhet në përfundim të letrës së Altin Dumanit. Mes të tjerash SPAK i sugjeron familjarëve të viktimave se; “Nëse në vijim të verifikimeve, apo hetimeve do të konstatohet ekzistenca e ndonjë vepre penale, apo subjekti në kompetencë hetimi nga SPAK, atëherë, aktet e procedimit penal, të dërgohen për kompetencë lëndore pranë Prokurorisë së Posaçme”.
Familajrët e Nikës pak kohë më parë i dërguan një kërkesë Dumanit ku i kërkonin që të Prokuroria e Posaçme të merrte përsipër hetimin e vrasjes së djalit të tyre në bulevardin “Dëshmorët e Kombit”.
21 janari është cilësuar si një ditë e trishtë për demokracinë shqiptare. Proteata e thërritur nga Partia Socialiste asokohe në opozitë doli nga kontrolli duke u shndërruar në një protestë të dhunshme ku protestuesit dhe policia u përplasen me njëri-tjerin për më shumë se tetë orë. Por ajo që ndodhi në orë e pasdites do të shënonte një bilanc tragjik me katër të vrarë. Garda e Republikës hapi zjarr duke lënë të vdekur në Bulevardin “Dëshmorët e Kombit” 4 protestuesi: Ziver Veizi, Faik Myrtaj dhe Hekuran Deda dhe Aleks Nika. Partia Socialiste do e cilësonte krim shtetëror atë që ndodhi ndërsa Partia Demokratile në qeveri do akuzomte opozitën socialiste për grusht shteti. Ende sot drejtësia është e lënë përgjysmë. Në lidhje me ngjarjen u morën të pamdehur Ndrea Prendi dhe Agim Llupo, ndërsa gjykata vlerësoi me vendim se vrasjet kanë ndodhur nga pakujdesia. Të dy të pandehurit u dënuan, Ndrea Prendi me 1 vit ndërsa gardisti Agim Llupo me 3 vite burg. Familajrët e viktimave prej 12 vitesh kërkojnë drejtësi ndërsa akuzat politike rishfqen para çdo fushate elektorale. Arena politike dhe e drejtësisë do e turbullonte një audiopërgjim i publikuar mbrëmjem e djeshme nga gazetari Artan Hoxha. Në audiopërgjimin e siguar nga shërbimet e huaja zbardhet urdhëri i marrë për të hapur zjarr ndaj protestuesve duke hedhur poshtë pretendimet për vrasje nga pakujdesia. Në pritje të mbarimit të retorikës politike zbardhja e ngjarjes së rëndë mbetet në dorë të drejtësisë.
