TIRANË– Vendimi i gjykatës së Apelit për vulën, Kryetari i Partisë Demokratike, Sali Berisha mbledh këtë të shtunë në orën 12:00 Kryesinë e PD-së, për të diskutuar mbi rrugën që do të ndiqen pas këtij vendimi.
“Nesër në ora 12.00 mbledhje Kryesie me rend dite: Diskutim rreth situatës politike të krijuar”, thuhet në njoftimin e shpërndarë mbrëmjen e kësaj së premte nga PD.
Ndërsa ditën e diel është bërë me dije se demokratët do të mbledhin Këshillin Kombëtar.
“Të nderuar anëtarë të Keshillit Kombetar, te dielen dt 5 mars, ora 17.00 do të mblidhemi për të diskutuar mbi situatën më të fundit politike”, është njoftimi i shpërndarë për anëtarët e KK.
