TIRANË– Drejtori i Muzeut Historik Kombëtar Dorian Koçi ka dhënë këtë të shtunë dorëheqjen nga detyra që mbante prej vitit 2017. Lajmin për mediat e ka bërë të ditur ministrja e Kulturës Elva Margariti. Përmes njjë postimi në Facebook Margariti shkruan se kjo dorëhjeqje ka ardhur pasi Koçi do të nisë një rrugëtim të ri këtë herë pranë Akademisë së Shkencave.
POSTIMI:
Bashkëpunëtori ynë prej vitesh mbyll një kapitull profesional, për të nisur një të ri. Drejtori i Muzeut Histotik Kombëtar, Dorian Koçi lë detyrën në krye të këtij institucioni, për të filluar një tjetër rrugëtim pranë Akademisë së Shkencave. Falenderime për punën e përkushtuar gjatë viteve të vështira, që nga tërmeti, te pandemia e rikonstruksioni i MHK dhe suksese në detyrën e re.
