Në një denoncim të ashpër kundër vendimeve të fundit të mazhorancës qeverisëse, Koordinatori për Programin Ekonomik në Partinë Demokratike, Dorjan Teliti, ka kritikuar fuqishëm rritjen me 500 efektivë të trupës policore nëpërmjet Aktit Normativ të Buxhetit 2024.
Teliti vë në dukje se ky vendim është politik dhe nuk shërben për të përmirësuar rendin dhe sigurinë e qytetarëve, por për të mbrojtur qeverinë nga zemërimi popullor. Ai thekson gjithashtu se kjo rritje do t’i kushtojë taksapaguesve shqiptarë 5 milionë euro çdo vit, fonde që, sipas tij, mund të ishin përdorur më mirë për përmirësimin e infrastrukturës publike.
Më poshtë statusi i Telitit:
500 EFEKTIVË SHTESË PËR POLICINË E PUSHTETIT, POR TA HARROJNË SE DO MUND TË SHTYPIN PROTESTAT QYTETARE!
Fakt: Pak ditë më parë, qeveria miratoi Aktin Normativ të Buxhetit 2024, ku ndër të tjera është vendosur që “gardhet policore” të rriten edhe me 500 efektivë të tjerë.
I duhen Shqipërisë, rendit dhe sigurisë këta 500 policë shtesë apo i duhen thjesht qeverisë për tu mbrojtur nga zemërimi popullor?
Si mund të ndodhë që ndërkohë që popullata ulet si pasojë e shpopullimit, nga ana tjetër rriten numrat në rradhët e trupave policore?
Pse taksapaguesit duhet të paguajnë 5 milionë euro cdo vit për rrogat e këtyre efektivëve shtesë realisht të panevojshëm, ndërkohë që me këto para mund të ndërtonim cdo vit disa qendra shëndetësore apo kopshte e cerdhe?
Fakt: Në 11 vite cdo vendim i mazhorancës qeverisëse nuk është ndërmarrë për ti ardhur në ndihmë qytetarëve, zhvillimit, ekonomisë dhe aktorëve të tregut, por vetëm si e si të cimentojnë rrënjët e kalbura të keqqeverisjes.
Zgjidhja sot është një dhe vetëm një, zgjedhje të lira e të ndershme të organizuara nga një qeveri teknike. #osotokurrë
