TIRANË– Detaje të reja janë zbardhur nga dosja hetimore e ish-ministrit trë Financave Arben Ahmetaj. Në dosjen voluminoze të hetimeve të kryera nga Prokuroria e Posaçme, e cila kërkon dhe arrestimin e Ahmetaj është dhe dëshmia e një punonjëse të administratës, Sidita Kopliku. Ajo ka treguar se ish-ministri dhe ish-numri i dy iu qeverisë Rama i ka bërë opreion për të miratuar pozitivisht kontratën koncesionare të një landfilli në Durrës.
Në dosjen e SPAK nënvizohet se Sidita Kopliku (Temali), anëtare në komisionin për zhvillimin e procedurës koncensionare të Tiranës, si përfaqësuese e Agjensisë së Trajtimit të Koncensioneve, ka deklaruar përballë prokurorëve se ka pasur presione nga titullarja e institucionit, Rovena Beqiraj, ku prej saj nxitej që procedura koncensionare për Tiranën të finalizohej me sukses.
Ndër të tjera Sida Kopliku ka treguar dhe një rast tjetër që lidhet me Ahmetajn. Sipas saj, kur ka qenë pjesë e procedurës koncensionare në lidhje me Durrësin ku do të ndërtohej një landfill, si anëtare komisioni, një këshilltar i ministrit e ka njoftuar që e kërkonte Ahmetaj në zyrë. E më tej, Kopliku thotë se kur ka arritur në paradhomë, sekretarja i ka kërkuar të linte telefonin aty, dhe më pas është futur në zyrën ku ndodhej Ahmetaj, i shoqëruar nga këshilltari, raporton Euro Neës.
Dosja hetimore: Sidita këtë takim e ka vlerësuar si formë presioni pasi titullar të drejtëpërdrejtë ajo kishte kryetarin e Atrako-s. Pas kësaj situate, edhe në rastin e procedurës koncensionare të Tiranës, Sidita është ndjerë në presion për shkak të asaj që kishte ndodhur për Durrësin dhe pasur parasysh edhe nxitjen e kryetares Rovena Beqiraj që kjo procedurë koncensionare e Tiranës të realizohej me sukses.
Prokuroria e Posaçme Kundër Korrupsionit dhe Krimit të Organizuar (SPAK) i ka kërkuar Kuvendit më datë 10 korrik 2023 heqjen e mandatit të ish-ministrit të Financave tashmë deputet i PS dhe lejen për arrestimin e tij. Arben Ahmetaj, ish-numri dy i qeverisë Rama akuzohet nga SPAK për tre vepra penale: “Mosdeklarim apo fshehje të pasurive”, “Korrupsion pasiv” si dhe “Pastrim parash”.
