TIRANË– Gjykata e Posaçme Kundër Korrupsionit dhe Krimit të Organizuar (GJKKO) ka shtyrë sërish këtë të mërkurë seancën ndaj ish-ministrit të Mbrojtjes Fatmir Mediu në lidhje me “Dosjen Gërdeci”. Shkak për shtyrjen është bërë një kërkesë e një prej të dëmtuarve, që u konsiderua si risi dhe u pranua nga gjyqtarët. Seanca e radhës është vendosur të mbahet më 22 qershor. Ndërkohë u vendos që familjarët e viktimave të Gërdecit të jenë palë në proces.
Kështu në seancën e radhës 290 familjarë të 26 viktimave të tragjedisë së Gërdecit do të marrin pjesë në proces. Për mediat pas daljes nga Gjykata e Posaçme avokati i familjarëve të viktmave e cilësoi këtë vendim të GJKKO-së si fitore për familjen ndërsa Zamira Durda, nëna e një fëmije që humbi tragjikisht jetën në tragjedinë e Gërdecit në vitin 2008 deklaroi se urdhri i ministrit Mediu ka vrarë djalin e saj.
Dorian Matilja: Historia e pjesëmarrjes së viktimave në çështjet penale është një luftë shumë e gjatë. Viktimat janë pjesë procesit dhe janë krah për krah për të zgjedhur çështjen. Do të bënte një shpallje publike. Ata kanë të drejta për të shkruar çdo lloj gjëje. Të Është një fitore për familjen Durda, pasi ka bërë përpjekje shumë kohë më parë. Prova të reja në gjykim të shkurtuar nuk mund të paraqiten dot. Në gjykim të zakonshëm çdo gjë mund të ndodhë. Unë dua të them se interesi i familjarëve është në mënyrë konsistent. Vetëm e vërteta i çlirojnë njerëzit.
Zamira Durda: Një fitore e vogël. Të shikojmë si do të ecë. Provat janë publike. Armatimet erdhën urdhri i ministrit e bëri vrau djalin tim.
