TIRANË– Gjykata e Posaçme Kundër Korrupsionit dhe Krimit të Organizuar (GJKKO) ka shtyrë sërish këtë të mërkurë pretencën për ish-ministrin e Mbrojtjes Fatmir Mediu sa i përket dosjes “Gërdeci”. Shkak i shtyrjes është bërë mungesa e avokatëve të Mediut, Henrik Ligori, i cili ka deklaruar se ishte sëmurë dhe Ardian Visha, që ishte në proces në Durrës. Seanca e radhës u caktua më datë 7 qershor, në orëm 14:00.
Prokuroria e Posaçme Kundër Korrupsionit dhje Krimit të Organizuar (SPAK) kërkoi rigjykimin e Mediut, pasi e akuzon si një nga ish zyrtarët përgjegjës për tragjedinë e Gërdecit, me 26 të vrarë dhe qindra të plagosur. Gjykata e Lartë vendosi t’ia dërgojë këtë çështje për kompetencë GJKKO-së, me arsyetimin se me ndryshimet e fundit ligjore në kuadër të reformës në drejtësi, i takon asaj ta shqyrtojë dosjen penale ndaj ish-zyrtarit të lartë.
