Janë arrestuar në Tiranë dy persona pasi drejtonin automjetet nën efektin e lëndëve narkotike.
Automjetet e ndaluara nga Policia Rrugore ishin të drejtuara nga një 20-vjeçar dhe një 19-vjeçar, teksa u konstatuan duke kryer manovra të gabuara.
Të dy shtetasit iu nënshtruan testimit me aparatin AquilaScan dhe rezultoi se të dy këta shtetas e drejtonin automjetin, nën efektin e lëndëve narkotike.
Deri më tani ka shkuar në 32 numri i drejtuesve të automjeteve që kanë rezultuar në efektin e drogave, pas testimit me aparatin AquilaScan, gjatë këtij viti.
