Deputetja e PD Albana Vokshi, njëherësh kryetare e Lidhjes Demokratike të Gruas është shprehur e keqardhur, për shkak se asnjë grua nuk u përzgjodh si drejtuese politike në qarqet ku u prezantuan emrat e përzgjedhur nga Kryesia e Partisë Demokratike, në mbledhjen e së mërkurës.
Kam atë keqardhjen time që në këta emra nuk ka pasur emra zonjash, pavarësisht se në Parlament në PD, edhe në raportin e fundit të ISP, janë 4 zonja që…
Pavarësisht kësaj, Vokshi kishte bindjen se drejtuesit politikë të qarqeve dolën nga mbledhja e së mërkurës do të bënin një fushatë model në zonat ku ishin caktuar.
Vokshi tha gjithashtu se në mbledhjen e Kryesisë, do të kenë një rol të rëndësishëm Forumi Rinor i PD dhe Lidhja Demokratike e Gruas.
‘Edhe në mbledhjen e djeshme është diskutuar që në fushatë do të ketë rol të rëndësishëm Forumi Rinor i PD, që do kordinojë pjesën me të rinjtë dhe Forumi i Gruas, pra Lidhja Demokratike e Gruas në Shqipëri, që së bashku me personat që do drejtojnë fushatën do të mundohen që të alternojnë edhe prurjet nga ana e zonjave apo e të rinjve”, tha Vokshi.
