TIRANË– Gjykata e Apelit Tiranë ka liruar këtë të hënë nga burgu tre ushtarakët, shefin e zbulimit Gramoz Mulla dhe dy specialistët e zbulimit Rustem Poçi dhe Gentian Zhurda, të arrestuar pas zbulimit të parceles me kanabis në repartin ushtarak të Zall Herrit. Togat e zeza kanë vendosur masën e sigurisë “Arrest shtëpie” për tre të arrestuarit.
Shefi i zbulimit Gramoz Mullai, në deklarimet e para kishte pranuar që kanë konstatuar lëndën narkotike që në datën 10 korrik dhe kishte vënë në dijeni eprorin, por nuk kishte mbajtur procesverbal. Ndërkohë dy ushtaraket e tjerë kanë pretenduar se nuk kane konstatuar asgjë të paligjshme dhe se për shkak të territorit të thyer nuk është kontrolluar e gjithë zona. Në repartin e Zall Herrit u zbuluan 125 bime kanabis të ndara në 6 parcela.
