BRITANI E MADHE–“I kam shkruar shoqatës sime në Uxbridge dhe South Ruislip për t’i thënë se po largohem menjëherë dhe do të shkaktoj një zgjedhje të menjëhershme të pjesshme.” kështu është shprehur Boris Johnson në deklaratën e tij të bërë para pak orësh.
Ai ndërmori këtë veprim pasi Komiteti i Privilegjeve të Dhomës së Komunave thuhet se zbuloi se ai mashtronte Parlamentin dhe rekomandoi sanksion prej më shumë se 10 ditësh.
‘Skynews’ ka thënë ndër të tjera se ish-kryeministri është shprehur se ka në dorë gjetjet nga raporti i privilegjeve nëse ai ka mashtruar deputetët për shkak të partisë dhe tani, ata janë të vendosur të përdorin procedimet kundër tij për ta larguar nga parlamenti.
Sakaq teksa foli për Times Johnson tha: “Është shumë e trishtueshme të largohem nga parlamenti të paktën tani për tani por mbi të gjitha jam i hutuar dhe i tmerruar që mund të më detyrojnë të largohem, në mënyrë antidemokratike, nga një komitet i kryesuar dhe i menaxhuar, nga Harriet Harman me një paragjykim kaq të madh”.
