TIRANË– Kërkesa e Prokurorisë së Posaçme Kundër Korrupsionit dhe Krimit të Organizuar për arrestimin e ish-zëvendëskryeministrit Arben Ahmetaj me sa duket ka “bashkuar” demokratët në Kuvend. Kjo u pa në sallë gjatë kësaj të premteje ku Sali Berisha duartrokiti Gazment Bardhi kur ky i fundit mbaroi fjalën e tij. Sipas Berishës ai e duatrokiti me zemër pasi deputeti Bardhi tha një të vërtetë të madhe.
Sali Berisha: Pse e duartrokita Gazment Bardhin? Se e mbylli fjalimin me të vërtetën më të madhe të kësaj afere. U tha shqiptarëve se sipërmarrja është e Edi Ramës. Duhet të budallepsësh çdo institucion, të besosh se ndërmarrja është e Klodian Zotos. Dhe Gazment Bardhi e tha me qartësinë më të madhe dhe meritonte duartrokitjet e plota dhe i kam bërë me zemër. Absolutisht jam i hapur në çdo kohë se ata janë deputetë të PD. Tjetër është skenari i Ramës me Lul Bravën, tjetër janë kundërshtirat brenda PD-së.
