TIRANË– – Shembja e pallatit numër 4 në rrugën “Myslym Keta” në kreyeqytet, duket se është kthyer në “kalin e betejës” së radhës për opozitën. I dëmtuar nga tërmeti I 26 nëntorit të vitit 2019, pallati nuk ofronte më siguri për jetën e banorëve, të cilët ishin njoftuar që pas akt-ekspertizës së parë për shëmbjen e tij. Mes diskutimesh dhe akuzash kandidati i Partisë Demokratike për Bashkinë e Tiranës Belind Këlliçi që për disa shihet dhe në konflikt interesi mesa duke ka shfrytëzuar këtë moment për të bërë poltikë.
Por medalja ka dy anë ashtu si e vërteta dhe çdo media duhet ti transmetojë ato. Dokumentet tregojnë qëë banorët e pallatit pasa ndërtimit të pallatit të ri do të përfitojnë banesa të reja sipas tipologjisë së përcaktuar në fillim dhe deri më atëherë do të tranferohen në banesa të tjera me bonusin e qirasë që e paguan bashkia e Tiraës. Por mes gjollurdisë së madhe duket se dhe mbështetësit e opozitës janë skeptikë jo më për vërtetësinë e pallatit që do ndërtohet dhe banorët do të marrin banesa të reja por në fuqinë e kandidatit të tyre.
Kështu me ironi dhe sarkazëm gazetari Adi Krasta komenton situatën në të cilën ndodhet sot kandidati i opozitës, të cilin e përshkruan si mes dy “zjarreve” e që sipas tij nuk mund të kapërcejë asnjërin. Në emission e tij të mbrëmshëm Krasta shprehet se Këlliçi ka hyrë në një betejë për të marrë Tiranën “I çarmatosur” që në fillim pasi beteja e tij për pallatin sipas Krastës bie ndesh me firmën e dhënë nga vjehrri i tij Artan Shkreli që mban dhe postin e kreut të Institutit të Ndërtimit që e ka shpallur që në fillim të pabanueshëm pallatin numër katër. Gazetari shprehet se sot Këlliçi është i dobët përballë kryebashkiakut aktual dhe fitoren e tij e përshkruan deri në kufijtë e të pamundurës.
Adi Krasta: Njeriu që do të hyjë në luftë për të marrë Tiranën është kapur në një logjikë të çuditshme. Vjehrri është drejtues i një Instituti Ndërtimi me anë të të cilit po shembet ajo gjëja, bëhet vunerabël ky. Kryetari i bashkisë rivali I tij në luftë të madhe thotë e kemi dhëndër në PS. Që në sekondën që një njeri është kaq i dobët, ka një shans që ky njeri kaq i dobët të mund të fitojë nesër.
Ndërsa duke qenë se jemi dhe në ditën kur nisi puna për ndërtimin e Teatrit të ri Kombëtar një nga kritikët më mëdhenj të ndërtimit të teatrit ish-ministri Ylli Manjani shprehet se nuk ka më dyshim që qytetarët e Tiranës e kanë miratuar këtë me besimin që I dhanë qeverisë në zgjedhjet e kaluara.
Ylli Manjani: Shembja e Teatrit Kombëtar është miratuar nga qytetarët e Tiranës në zgjedhjet e vjetshme, pikë, pikë.
Shembja e pallateve në rrugën “Myslym Keta” mori një vëmendje të shtuar mediatike për faktin e përfshirjes së opozitës. Sipas dokumenteve secili prej banorëve të pallatit pas përfundimit të ndërtimit të objektit të ri do të jenë përfitues të apartamenteve të reja sipas tipologjisë fituese. Ndërkohë banorët të cilët janë shpërngulur që në fillim në banesa të përkoheshme me qira duke marrë dhe ndihmën e bashkisë me anë të bonusit të qirasë kanë treguar se nuk kanë hasur probleme. Ndërsa sa i përket akuzave për manipulime gjithmonë do të ketë dy të vërteta dhe kjo mbetet një betejë e gjatë përpara. Është fakt që ai pallat rezultonte me dëmtime serioze por ne si media do ta ndjekim me kujdes gjithë procesin dhe si gjithmoinë duke sjellë të dyja anët e medalies.
