KORÇË– Një aksident i rëndë është regjistruar mesditën e kësaj të enjteje në aksin rrugor Korçë–Pogradec pranë fshatit Bulgarec ku dy makina njëra tip “Golf 7” dhe tjetra “Mercedes Benz” janë përplasur “kokë më kokë” me njëra-tjetrën. Fatmirësisht nuk raportohet për të lënduar nga aksidenti por vetëm për dëme materiale. Policia e mbërritur në vendin e ngjarjes po punon për zbardhjen e plotë të shkaqeve të aksidentit.
