TIRANË– Ish-zyrtarja e lartë e Kryemimistrisë Alda Klosi është arrestuar mbrëmjen e sotme. Ajo akutohet për pastrim parash. Ndërkohë dhe pastruesja Rozeta Dobi, e cila dhe nxorri zbuluar dhe ish-shefen e Kabinetit të ish-ministrit Arben Ahmetaj.
Vjedhja në shtëpinë e ish-zyrtares së lartë Alda Klosi në “Rrugën e Kosovarëve” ndodhi disa ditë më parë. Për vjedhjen e 120 mijë eurove nga kasaforta e Klosit është arrestuar pastruesja Rozeta Dobi dhe i biri Havier Dobi të cilët kanë pranuar krimin para policisë. Por ajo që mbetet ende një mister i “pazgjidhshëm” për drejtësinë e policinë janë 400 mijë eurot e gjetura në shtëpinë e pastruese Rozeta Dobi, të cilat ishin fshehur në tubin e aspirimit. Deri më tani askush nuk u ka dalë për zot apo ti denoncojë të vjedhura. Klosi e mohon të jenë të sajat ndërsa Rozeta Dobi ende nuk ka pranuar të flasë për to. Dobi njihet si pastruesja e VIP-ave pasi është kujdesur për mirëmbajtjen e disa personaliteteve të larta të shtetit emri i të cilëve nuk është bërë ende i ditur. Të kujt janë 400 mijë eurot është pyetja që ende drejtësia nuk i është përgjigjur dhe me këto ritme që po ecin hetimet një përgjigje e shpejtë është ende shumë larg.
