TIRANË– “Arben Ahmetaj ka kaluar kufirin në Kakavijë dhd ka kaluar në Greqi”, kjo ishte deklarata e fortë e gazetarit investigativ Artan Hoxha mbrëmë në Opinion. Lidhur me këtë deklaratë Hoxha publikoi dhe një foto.
Artan Hoxha: Ditën e premte, kjo është dogana e Kakavijës dhe ditën e premte, Ahmetaj ka kaluar në Greqi, kjo duhet të jetë diku rreth orës 14:00 në mesditë. Ka qenë vetëm në makinë. Ai nuk ka qenë i ndaluar të lëvizë. Ajo që bën çudi se hetimi ka nisur që vjet në Nëntor, gjatë kësaj kohe, Ahmetaj ka lëvizuar dhe nuk i është shmangur hetimit. Në momentin kur ka dalë lajmi, nuk ka qenë në territorin e Shqipërisë, mund të vijë sepse i lirë është, por aty është duke vulosur pasaportën në Kakavijë.
