TIRANË– Ministri i Brendshëm Taulant Balla deklaroi këtë të hënë se ka drejtorë dhe shefa Komisariatesh që ulën në tavolinë me kriminelë dhe u japin atyre informacione sensistive për operacionet e Policisë. Deklaratën e bërë gjatë një takimi me drejtuesit vendorë të Policisë në 12 qarqet e vendit ku dha dhe porositë e tij.
Taulant Balla: Ka një kod etik të pazbatuar deri tani, që thotë se drejtuesit e Policisë së Shtetit nuk mund të ulen në kafe, restorante as gjatë dhe as pas punë, përveçse për arsye familjare ose nëse kanë vënë në dijeni eprorët. Jo vetëm që kështu nuk ndodh por drejtorë e shefa komisaratesh frekuentojnë lokalet ditën dhe natën, por kanë edhe kontakte të papërshtatshme, u përcjellin kriminelëve informacione sensitive të punës dhe aksioneve policore. Ka edhe rrugë të tjera, por kjo është një karshillik poshtrues për gjakun e dëshmorëve. Po ashtu është edhe shembulli më i keq i efektivëve. Brenda 10 ditëve nga sot, Kodi Etik do i lexohet çdo efektivi të Policisë, do të vendohet edhe në hyrje të çdo Komisariati. Komisariati dixhital duhet të marrë një peshë të rëndësishme.
