TIRANË– Kryetari i Partisë Demokratike Sali Berisha ka bërë një deklaratë të fortë mbrëmjen e kësaj të enjteje. I ftuar në “Now” kryedemokrati tha se javën e fundit të zgjedhjeve i ka shkuar në zyrë këshilltari kryesor elektoral i ish-kreut të PD Lulzim Basha dhe i ka thënë se në qoftë se s’fitohen zgjedhjet ishte e hapur ideja për një koalicion me PS. Lideri demokrat u shpreh se nuk e ka mbështetur një propozim të tillë.
Sali Berisha: Javën e fundit të zgjedhjeve mua më ka ardhur në zyrë këshilltari kryesor elektoral dhe më thotë, në qoftë se s’fitohen zgjedhjet çfarë mendon për një koalicion me Partinë Socialiste, i them unë nuk e mbështes, por në qoftë se bëhet do bëj gjithçka kundra tij. Kaq ishte biseda me të
