TIRANË– Nga Përmeti ku prezantoi kandidatin e koalicionit “Bashkë Fitojmë” Edmond Kominon kreu i Partisë Demokratike Sali Berisha ka lëshuar një “lumë” akuzash ndaj kryeministrit Edi Rama dhe familjarëve të tij. Gjatë fjalës së tij para të pranishmëve Berisha tha se thjeshtra e Ramës po shkatërron të gjitha firmat e arkitektëve, duke marrë çdo tender. Ndërsa sipas liderit demoktrat baxhanaku i kreut të ekzekutivit ka marrë me qindra milionë euro tendera. Në “shënjestrën” e kryedemokratit ishin dhe kryebashkiakët e Hasit dhe Përmetit.
Sali Berisha: Edi Rama, je i pashpresë. McGonigal po të pret. Pasi të mbarosh dënimin atje, do vish këtu se dënime të tjera të presin. Ligji për heqjen e parashkrimit do jetë ligji i parë që do miratohet në parlament. Ndaj ka tmerr nga opozita. Ka tmerr se familja e tij çdo ditë në tendera. Se baxhanaku i tij është një peshkaqen që ka marrë 100 tendera deri më sot, të fshehtë dhe të hapur. Të cilin ligji e ndalon. Këta nuk pyesin për ligjin. Thjeshtra e tij po shkatërron të gjitha firmat e arkitektëve, projektuesve. E lidhur me një kompani të huaj, pastaj si nënkontraktore fiton çdo tender se është thjeshtra e kryeministrit. Mos votoni kurrë qeveritarë që përdorin pushtetin për pasurimin e tyre. Rruga më antiligjore është angazhimi i familjarëve për të fituar tendera. I them Edi Ramës, hajde të dalim përpara qytetarëve. Nxirr pak sa tendera kanë fituar familjarët e Sali Berishës, zero! Do ishte pafalshme të votosh këtë njeri, do të thotë të votosh varfërinë tënde, dëshpërimin tënd. Ndryshimi është në duart tuaja, bashkë fitojmë. Ai i Përmetit, Fation Duro e kishte bashkëshorten ish-punonjëse apo drejtuese të hipotekës së Sarandës. Kishte vjedhur e vjedhur, ishte lëshuar mandat arresti për të, e shoqja në Londër tret pasurinë, Rama merr ryshfet dhe i emëron të shoqin kryetar bashkie në Patos. A ka vend të botës që ndodh kjo?. Isha në Kukës, kishte marrë Beqirin, edhe ia paraqet ky është Haliti sepse si Beqir kishte nga 4-5 arrestime. Ishte arrestuar në Greqi, Itali, mos gabohem në Gjermani, Kosovë dhe Shqipëri.
