SHBA– I dërguari i posaçëm i Shteteve të Bashkuara të Amerikës për Ballkanin Perëndimor Gabriel Escobar ka paralajmëruar këtë të shtunë “non grata” të reja si shenjë të luftës që SHBA i ka shpallur korruopsionit. Sipas tij korrupsioni mbetet ende një problem shumë i madh në rajon dhe duhen marrë masa. Ndër të tjera Emisari i SHBA-së tha se edhe disa persona nga Maqedonia e Veriut pritet të sanksionohen nga Shtetet e Bashkuara.
Gabriel Escobar: Korrupsioni është një problem i madh në të gjithë rajonin. Jam i lumtur të shoh se gjatë procesit të anëtarësimit fokusi është në sundimin e ligjit si kusht për anëtarësim në BE. Administrata e Presidentit Biden është e përkushtuar në luftën kundër korrupsionit. Nuk mund të flas për sanksionet, por të jeni të sigurt se do të ketë.
