RUSI– Ish–Presidenti i Rusisë Dmitry Medvedev, ka bërë një deklaratë të fortë këtë të mërkurë ku është shprehur se samiti i NATO-s në Lituani afron Luftën e Tretë Botërore. Medvedev, i cili aktualisht mban detyrën e zv.presidentit të Këshillit të Sigurisë Kombëtare tha ndër të tjera se “Perëndimi është çmendur totalisht.”
Dmitry Medvedev: Perëndimi është çmendur totalisht. Nuk mund të bënte ndryshe. Parashikueshmëria në nivele ekstreme, deri në idiotësi. Lufta e Tretë Botërore po afrohet.
Në samitin e NATO-s që po mbahet në Vilnius, ish-presidenti u shpreh se operacioni ushtarak do të vijojë me të njëjtin objektiv, që synon të ndalojë grupin nazist të Kievit të bëhet pjesë e NATO-s. Në ditën e parë të samitit të NATO-s, krerët e Aleancës u dakorduan për thjeshtëzimin e procesit të pranimit të Ukrainës, duke e anashkaluar Planin e Veprimit të Anëtarësimit. Por kjo nuk i ka pëlqyer presidentit ukraiknas Volodymyr Zelensky. Sipas tij Ukraina duhet të jetë sa më shpejt pjesë e Aleancës.
