TIRANË– “Vetëm Sali Berisha e bashkon Partinë Demokratike“, kjo ishte deklarata e fortë e deputetit demokrat Saimir Korreshi sa i përket situatës ku ndodhet sot PD. I ftuar në “Çim Peka Live”, Korreshi tha se duhet një proces gjithë përfshirës ku të bashkohet partia. Por nuk dha më shumë detaje nëse do të rreshtohet krah deputetëve që tashmë e njohin Berishën si kryetar të PD-së.
Saimir Korreshi: Unë jam për një parti të madhe shumë përfshirëse. Nuk e kam problem që të trokas në derën e Berishës dhe ti them që duhet të gjet zgjidhja bëj çfarë të duash ti. Unë kam thënë që vetëm ai e bashkon PD dhe në momentin që ai i bie bilbilit dhe ka një proces të gjithë shkojnë pas tij, nuk ka kompleks sepse nuk fiton asnjë njeri tjetër përpos tij por duhet të bëjmë një proces gjithë përfshirës ku të dali një parti e bashkuar.
