ELBASAN– Një denoncim i fortë ka ardhur nga Elbasani ku komisioneri i koalicionit “Bashkë Fitojmë” deklaroi se në qendrën e votimit 2373/1 të Elbasanit pajisja për votimin elektronik ka probleme dhe se është e manipuluar. Përmes një prononcimi për mediat Eduard Doko shprehet se për ta vërtetuar këtë e ka provuar vetë teksa votoi për kandidatin e opozitës Luçiano Boçi por që vota në ekran u shfaq si votë për socialistin Gledian LLatja.
Komisioneri: Në një moment pauze shkova dhe votova për kandidatin tim. Dolën të gjitha në rregull, por në momentin kur shoh te printeri, më del emri i kandidatit tjetër, jo i Luçiano Boçit po i kandidatit tjetër. Tani nuk e di, pajisjen e kemi bllokuar që pas momentit që kam votuar unë. Të vijë specialisti ta shikojë se për çfarë bëhet fjalë. Në momentin që kam votuar unë, kam parë një emër tjetër, votimi i fundit është votimi im.
