TIRANË– Një ngjarje e rëndë është regjistruar pasditën e kësaj të enjte në zonën e Qytet Studentit në kryeqytet. Raportohet se një 29-vjeçar i identifkuar me inicilaet H.L ka tentuar të vetëvaret me litar. Në këtë moment ai është pikasur nga familjarët e tij të cilët e kanë ndaluar. Por i riu në kushte të rënduara psikologjike ka hipur në katin e dytë të banesës dhe është hedhur nga çatia. Ai është dërguar menjëherë në spital dhe ndodhet nën kujdesin e bluzave të bardha. Grupi hetimor po punon për zbardhjen e plotë të ngjarjes.
NJOFTIMI I POLICISË:
Tiranë/Informacion paraprak. Më datë 13.04.2023, rreth orës 16:05, shtetasi H. L., 29 vjeç, në banesën e tij, në Qytet Studenti, dyshohet se ka tentuar të vetëvaret me litar por e kanë ndaluar familjarët. Më pas ka hipur në katin e dytë të çatisë dhe është hedhur nga lartësia. Si pasojë është dëmtuar dhe ndodhet në spital, nën kujdesin e mjekëve. Grupi hetimor po punon për sqarimin e rrethanave të ngjarjes.
