VLORË– Një 29-vjeçar nga Vlora i identifikuar si Artjol Ramaj rezulton i zhdukur prej 2 marsit. Denoncimin për zhdukjen e tij e ka bërë e ëma Valentina Ramaj, e cila ka deklaruar se djali i saj është zhdukur që pasi shkoi në Spanjë.
Ajo tha se denoncimet i ka bërë edhe në policinë spanjolle si edhe shqiptare teksa këta të fundit kanë nisur kërkimet por deri më tani nuk kanë nxjerr asgjë në dritë. Ramaj tregon se djali i saj shkoi fillimisht të Gironas në Spanjë, aty ku shkoi edhe i shoqi për të zbuluar diçka më shumë por nuk ia ka dalë.
Mes lotësh nëna ka rrëfyer dhe telegonatën e fundit me të birin ku sipas saj ai ka qenë i shqetësuar. Që pas asaj zelefonate ata nuk kanë pasur asnjë kontakt me të.
Sipas policisë i riu Artjol Ramaj ka qenë punonjës në shtëpi bari teksa mund të jetë zhdukur për shkak të tregut të drogës në Girona. Por policia nuk përjashton dhe mundësinë e vrasjes së 29-vjeçarit.
