Nju Jorku është tronditur nga një ngjarje tragjike ku një burrë goditi për vdekje gruan e tij dhe më pas fëmijët të moshës 1 dhe 3 vjeç e në fund u vetëvra. Sipas njoftimit të policisë ngjarja ka ndodhur në shtëpinë e tyre në Upper West Side.
New York Post thekson se ishte babai i gruas dhe një tjetër i afërm i saj ata që kanë lajmëruar policinë duke qenë se prej ditësh nuk kishin marrë vesh asnjë lajm prej tyre. Familjarët e viktimave kanë thyer bravën e banesës së tyre ku kanë gjetur edhe trupat e pajetë.
Trupat e fëmijëve kishin plagë të shumta në trup; trupi i gruas u zbulua në korridor me një plagë në qafë, ndërsa burri u gjet në një dhomë gjumi, i shtrirë në shtrat me një thikë pranë tij.
