LIBRAZHD– Një 52-vjeçar i identifikuar me inicialet Sh.L ka humbur jetën këtë të martë pasi u mor nga rrjedha e kanalit vaditës Koshorisht-Zogsht të Librazhdit. Ngjarja sipas Policisë dyshohet të jetë aksidentale. Ndërkohë Policia po heton për zbardhjen e plotë të shkaqeve të ngjarjes.
NJOFTIMI I POLICIË:
Librazhd/Pasditen e djeshme, në fshatin Letëm, Librazhd, dyshohet se aksidentalisht, për shkak të prurjeve të larta, rrjedha e ujit në kanalin vaditës Koshorisht-Zgosht, ka marrë shtetasin Sh. L., 52 vjeç, banues në fshatin Letëm, Librazhd (roja e këtij kanali vaditës), i cili si pasojë ka humbur jetën. Grupi hetimor vijon punën për dokumentimin e plotë ligjor të kësaj ngjarjeje.
