TIRANË– Kandidati i Partisë Demokratike për Tiranën Belind Këlliçi është shfaqur në një intervistë ndryshe mbrëmjen e djeshme bashkë me të fejuarën e tij Ana Shkreli, e cila për herë të parë foli në publik për lidhjen e saj me Këlliçin dhe si si po e përjeton ajo gjithë sulmin që po bëhet duke qënë vajza e Artan Shkreli, një zyrtari të lartë socialist. Të futar në “A Show” Shkreli tha se nuk e ndjen veten në një pozitë të favorshme dhe se ndonjëherë ndihet në faj për sulmin që kundërshtarët politikë bëjnë ndaj partnerit të saj. Më tej Shkreli tha se ndihet si një dëm anësor.
Ana Shkreli: E ndjej veten si dëm anësor sikurse e ndjej ndonjëherë veten dhe në faj, nuk dua të bëj viktimizimin por nuk është një pozitë e favorshme. Duhet gjatë gjithë kohës të mbash një llojë balance.
Ana Shkreli prej vitesh është në një lidhje me Belind Këlliçin, tashmë kandidatin e opozitës për bashkinë e Tiranës përballë kryebashkikut aktual Erion Veliaj. Lidhja e tyre ka qenë gjithmonë në syrin e media dhe pse dyshja pohuan se nuk do e donin diçka të tillë. Por pse Ana Shkreli është përmendur kaq shumë gjatë kësaj fushate. Ajo është vajza e Artan Shkrelit, ish-zëvendësministrit në kabinetit e kryeministrit Edi Rama dhe i një sërë postesh të tjeras në administratën socialiste. Çifti është “kryqëzuar” për shkak se u përkasin dy skajeve të politikës dhe se sipas disave është shumë e vështirë për të gjetur balancën.
