Kryeministri Edi Rama ka shkarkuar Ministren për Europën dhe Punët e Jashtme, Olta Xhaçka.
Kreu i qeverisë njoftoi shkarkimin e Xhaçkës gjatë mbledhjes së Asamblesë Kombëtare të PS dhe në vend të saj emëroi diplomatin Igli Hasani.
Newszone.al paralajmëroi fillimisht nga burimet e saj të besueshme se Xhaçka ishte mes emrave të ministrave që do të largoheshin nga kabineti qeveritar.
Mësohet se Rama ka qenë i pakënaqur me punën e Xhaçkës në krye të diplomacisë.
Po ashtu, mandati i Xhaçkës është në shqyrtim nga Gjykata Kushtetuese sa i takon shpalljes së bashkëshortit të saj investitor strategjik nga kryeministri Edi Rama, në konflikt të hapur interesi.
Me statusin e investitorit strategjik, Artan Gaçi ka përfituar një sipërfaqe të konsiderueshme toke në bregdetin e Himarës, për ndërtimin e një resorti me 5 yje.
Për këtë shkak, Olta Xhaçka ishte një nga ministret më të atakuara edhe nga opozita.
LEXO EDHE:
“Furtunë” në qeveri, Rama ndryshon kabinetin qeveritar, të gjitha lëvizjet
