KOREJA E JUGUT– Një ngjarje e pazakontë është regjistruar këtë të hënë në Korenë e Jugut ku një i ri ka ngrënë një banane që ishte e ekspozuar si vepër arti. Bananja ishte pjesë e një muzeu të artistit italian Maurizio Cattelan.
Pas ngjarjes studenti tha se e kishte ngrënë pasi ishte i uritur se nuk kishte ngrënë mëngjes. Vepra e artit e quajtur “Komediani”, pjesë e ekspozitës së Cattelan “ËE”, përbëhej nga një banane e pjekur e ngjitur me shirit ngjitës në një mur në Leeum Musuem of Art të Seulit.
Si të mos mjaftonte kjo pasi e kishte ngrënë bananen, i riu kishte ngjitur në mur lëvoren e saj. Mediat raportojnë se ajo u zëvendësua menjëherë. Banania e ekspozuar thuhet se zëvendësohet çdo dy ose tre ditë. Ndërkohë kjo nuk është hera e parë që bananet e përdorura për punën e Cattelan hahen nga një vizitor.
