TIRANË– Detaje të reja kanë dalë në dritë nga masakra e ndodhur 5 vite më parë ku Menduh Kurt-Deda u rrëmbye, dhunua e më pas u dogj i gjallë nga Besmir Karaj dhe Gazmir Ngota. Krimi horror arriti të zbardhej vetëm pak ditë më parë. Viktima u identifikuar nga proteza e dhëmbëve. Mësohet se proteza e dhëmbëve që mbante 61-vjeçari dhe një pjesë e njërës këmbë që nuk ishin shkrumbuar tërësisht nga flakët, kanë qenë provat e para që kanë çuar grupin hetimor drejt analizës së AND-së. Analizat vërtetuan më pas se trupi i përkiste Menduh Kurt-Dedës, i cili ishte shpallur i zhdukur.
Pas zbulimit të identitetit puna e Policisë nuk mbaronte këtu, madje këtu niste dhe rruga e gjatë e gjetjes së autorëve dhe mbledhjes së çdo prove të mundshme që të çonte drejt tyre. Kështu si shumica e vrasësve dhe Besmir Karaj dhe Gazmir Ngota gabuan diku. Kështu zinxhirin me të cilin Karaj lidhi pas pemës 61-vjeçarin e përdori për të lidhur dhe qenin e tij për 5 vitet e ardhshme. Po ashtu pas kqyrjes së vendit të ngjarjes grupi hetimor gjeti në vendin ku u dogj për sa gjalli Kurt-Deda dhe një ‘usb’ që autorët e kishin harruar. Policia ende nuk e ka bërë të ditur se çfarë kishte në brendësi të saj ama ishte një shtysë shumë e mirë që grupi hetimor të fillonte të hetonte njerëzit e afërt me të cilët viktima kishte pasur kontakt.
Marrja në pyetje e miqve të ngushtë dhe bashkëpunëtorëve nxorri në pah dhe borxhin prej 10 milionë lekësh të vjetra që viktima Menduh Kurt-Deda i kishte 56-vjeçares Marjeta Karajt, me të cilën kishte pasur dhe një lidhje dashurie. Ka qenë pikërsiht ky borxh që ka bërë që Marjeta Karaj të jepte ‘urdhrin’ për ekzekutimin e tij. Kështu ajo pasi foli me të birin ranë dakort se ai duhet zhdukur. Kështu Besmir Karaj bashkë me shokun e tij Gazmir Ngota gjetën Kurt-Dedën, i cili prej kohësh ishte fshehur dhe e dhunuan, e më pas e futën në bagazhin e makinës dhe u nisën për në vendin ku dhe do i vinin flakën.
Ata shkuan me makinë deri në “Kodër Shupal’ afër Dajtit, nxorrën Kurt-Dedën nga makina dhe sipas dëshmisë së dhënë në Polici nga Gaznmir Ngota ka qenë Besmir Karaj ai që e ka spërkatur trupin e viktimës me benzinë pasi e ka lidhur fort pas pemës e më pas i ka vënë flakën. Më pas janë ktyhyer drejt Tiranës dhe janë kujdesur të feshehnin krimin. Por maskimi i Marjeta Karajt si bamirëse dhe aktiviste ra dhe ajo tashmë do të përballet me drejtësi. Gjatë seancës së sotme nhë Gjykatën e Tiranës ajo i ka mohuar akuzat por prokurorët janë të bindur në versionin e tyre. Ngjarja arriti të zbardhej vetëm pas pesë vitesh. Marjeta Karaj dhe Besmir Ngota tani janë pas hekurave ndërkohë që Besmiri është shpallur në kërkim dhe Policia dyshon se ai fshihet në Itali./Edon Kuqi
