KAVAJË– Detaje të reja kanë dalë në dritë nga vrasja që tronditi Kavajën një ditë më parë ku Arjan Gosa u ekzekutua për vdekje me plumb në kokë nga Habib Rexha, teksa pinte kafen në lokal nën shoqërinë e babait të tij. Shkak për vrasjen është bërë gjakmarrja për një ngjarja të ndodhur pak muaj më parë ku Edmond Gosa pas një konflikti të nisur për motive banale me Altin Rexhën, kur kishin lënë për tu sqaruar vranë njëri-tjetrin me thikë e armë.
Ndërkohë mësohet se Habib Rexha e ka mbajtur prej kohësh nën vëzhgim viktimën dhe i ka ruajtur lëvizjet për të gjetur momentin e përshtatashëm për ta ekzekutuar. Kështu ditën e ngjarjes Rexha përdori një makinë tip ”Golf” të cilën e parkoi pak metra larg lokalit. Me kapuç në kokë ai u afrua dhe me e qëlloi Gosen me plumb në ballë duke e lënë të vdekur në vend. Ai ka qëlluar me dorën e majtë pasi dorën e djathtë e kishte të dëmtuar. Ngjarja ndodhi në sy të babait të viktimës, i cili ka parë ngjarjen dhe është ngritur për të ndihmuar të birin. Pamjet bënë xhiron e rrjetit duke e cilësuar si foton më të trishtë të këtij viti.
Policia e Shtetit ka ofruar këtë të hënë 10 mijë euro shpërblim për këdo që jep informacion për autorin e ngjarjes, i cili dyshohet se pas ngjarjes së rëndë të jetë fshehur në veri të vendit, aty ku dhe ka origjinën. Familjarët e viktimës dhe të autorit janë marrë në pyetje. Ata janë shprehur se kishin lënë gjithçka në dorë të drejtësisë por me sa duket vetëgjyqësia vijon të jetë gjithomnë një hap para sistemit.
Deri më tani nuk ka ende një informacion konkret se ku mund të jetë ekzekutori i Goses. Ngjarja ka tronditur zonën pasi ndodhi në një nga rrugët kryesore të qytetit. Lokali ku ndodhi ngjarje nuk ka pasur kamera sigurie ndërkohë Policia ka sekuestruar të gjithë kamerat në zonë dhe rrugët kryesore për të krijuar një itenerar për rrugën që ka ndjekur autori deri në momentin që i dha plumbin fatal Arjan Goses.
