KURBIN– Një ngjarje e rëndë është regjistruar ditën e sotme në Kurbin. Policia bën me dije se një 29-vjeçare e identifikuar me inicialet Xh.M banuese në Elbasan është vetëhedhur nga oborri i Kishës së “Shna Ndout” në Laç dhe ka rënë në humnerë.
Bëhet me dije se ajo ka marrë dëmtime të shumta fizike në trup dhe është trasnsportuar me urgjencë drejt spitalit të Traumës. Sipas bluve të Kurbinit e reja kishte probleme me depresionin dhe çrregullimin bipolar, për të cilat dhe merrte trajtim mjekësor.
NJOFTIMI I POLICISË:
Me datë 17.12.2022, shtetasja Xh. M. 29 vjeçe, banuese në Elbasan, tek oborri i Kishës së “Shna Ndout” në Laç, është vetëhedhur nga shkëmbi duke rënë në humnerë. Për pasojë, ka marrë dëmtime fizike dhe ndodhet në Spitalin e Traumes në Tiranë, për trajtimin e nevojshëm mjekësor. Nga veprimet hetimore paraprake të kryera, rezulton se kjo shtetase vuante prej disa kohësh nga depresioni e çrregullimi bipolar, probleme për të cilat merrte edhe trajtim mjekësor.
