MALIQ– Një aksident i rëndë është regjistruar pak minuta më parë në aksin rrugor “Korçë-Pogradec” pranë fshatit Vlaçisht. Raportohet se një kamion është përplasur me një autobus. Për pasojë ka mbetur i plagosur shoferi i autobusit i identifikuar me inicialet G.M. Ai është dërguar me urgjencë në spitalin e Korçës dhe ndodhet nën kujdesin e mjekëve. Policia po punon për zbardhjen e plotë të shkaqeve të aksidentit.
NJOFTIMI I POLICISË:
Më datë 12.05.2023, rreth orës 13:00, në aksin rrugor “Korçë-Pogradec”, pranë fshatit Vloçisht, Maliq, automjeti kamion tip “Volvo” me drejtues shtetasin V. M., është përplasur me automjetin autobus tip “Benz” me drejtues shtetasin G. M. Për pasojë është dëmtuar drejtuesi i autobusit shtetasi G. M., i cili po transportohet për ndihmë mjekësore, në spitalin e Korçës. Me drejtuesin e automjetit kamion, shtetasin V. M., po kryhen veprimet e mëtejshme procedurale. Grupi hetimor po punon për zbardhjen e rrethanave dhe përcaktimin e shkaqeve të aksidentit.
