ELBASAN– Një ngjarje e rëndë është regjistruar këtë të enjte në Belsh ku një grua është hedhur nga dritarja e banesës pasi u dhunua nga bashkëshorti i saj i identifikuar me inicilaet E.Q, i cili u vu në pranga. Ajo është dërguar menjëherë në spitalin psikiatrik pasi sipas policisë vuan nga probleme të shëndetit mendor. Burri ushtronte dhunë sistematike ndaj saj duke e detyruar këtë të fundit të ndërmarrë aktin ekstrem të vetëflijimit. Momentalisht gruaja ndodhet nën kujdesin e bluzave të bardha.
NJOFTIMI I POLICISË:
Specialistët për Hetimin e Krimeve të Komisariatit të Policisë Cërrik arrestuan në flagrancë shtetasin G. Q., 35 vjeç, banues në Belsh, Elbasan, pasi ka ushtruar dhunë ndaj bashkëshortes së tij, e cila më pas është hedhur nga dritarja e banesës. Kjo shtetase është dërguar në spitalin psikiatrik, pasi dyshohet se vuan nga probleme të shëndetit mendor. Materialet procedurale i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.
