TIRANË– Dy shtatëmbëdhjetë vjeçarë janë shpallur në kërkim nga Policia e Tiranës pasi kanë marrë peng një të mitur tjetër. Rapotohet se konflikti mes tyre ka ndodhur brenda një makinë pavarësisht se për shkak të moshës asnjë prej tyre nuk ka pasur leje drejtimi. Më pas sherri i nisur në mjet ka vazhduar në njië lokal në zonën e “Ali Demit”. Dyshohet se në konflikt të jenë përfshirë dhe persona të tjerë por deri më tani policia nuk ka dalë me emra konkretë.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr.1 referuan materialet në Prokurori dhe shpallën në kërkim dy shtetas 17 vjeç, pasi në rrugën “Ali Demi”, në bashkëpunim me shtetas të tjerë, janë konfliktuar me një shtetas të mitur, në automjetin e tyre dhe më pas në një lokal. Punohet për kapjen e dy të miturve dhe identifikimin e shtetasve të tjerë të përfshirë. Materialet i kaluan Prokurorisë, për veprime të mëtejshme procedurale.
