TIRANË– Një 42-vjeçar i identifikuar me inicialet S.M ka humbur tragjikisht jetën në Berat këtë të mërkurë. Raportohet se viktima kishte shkuar në mal për të prerë dru por një trup peme e ka zënë poshtë duke i marrë jetën. Grupi hetimor po punon për zbardhjen e plotë të kësaj ngjarjeje.
NJOFTIMI I POLICISË:
Berat/Informacion paraprak Sot, rreth orës 13:30, në fshatin Molisht, dyshohet se aksidentalisht një trung peme ka zënë poshtë shtetasin S. M., 42 vjeç, i cili kishte shkuar në malin e këtij fshati, për të prerë dru, për përdorim në banesë. Si pasojë e dëmtimeve të marra, 42-vjeçari ka humbur jetën. Grupi hetimor vijon punën në vendngjarje për dokumentimin e plotë të rrethanave të kësaj ngjarjeje.
