TIRANË– Një ngjarje e rëndë është regjistruar mbrëmjen e kësaj të premteje në Paskuqan ku raportohet se një grua ka plagosur me thikë bashkëshortin e saj të identifikuar me inicialet A.Sh, 25 vjeç. Ngjarja ka ndodhur pas një debati mes çiftit. Por duket se tensioni ka degraduar në dhunë. I riu ndodhet në spital nën kujdesin e bluzave të bardha.
NJOFTIMI I POLICISË:
Më datë 12.05.2023, rreth orës 20:50, në Paskuqan, shtetasja R. A., dyshohet se gjatë një konflikti, ka goditur me mjet prerës bashkëshortin e saj, shtetasin A. Sh., 25 vjeç. Si pasojë 25-vjeçari është dëmtuar dhe ndodhet në spital, nën kujdesin e mjekëve. Grupi hetimor po punon për sqarimin e rrethanave të ngjarjes.
