DURRËS– Një aksident me pasojë vdekjen është regjistruar pasditën e kësaj të mërkure, ku një automjet ka përplasur këmbësoren, e cila ka ka humbur jetën. Ndërkohë në vendin e ngjarjes kanë mbërritur menjëherë forcat e policisë dhe grupi hetimor për të zbardhur shkaqet e kësaj ngjarje.
NJOFTIMI I POLICISË:
Rreth orës 19:30, në rrugën dytësore Plepa-Golem, një automjet me drejtues shtetasin K. G., 24 vjeç, ka përplasur këmbësoren ende të paidentifikuar rreth 35 vjeçe, e cila ka humbur jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
