BERAT– Një 59-vjeçar i identifikuar me inicialet F.P është arrestuar këtë të premte nga Policia e Beratit pasi dyshohet se ka ngacmuar sekualisht dhe ka kryer veprime të turpshme kundrejt një 13-vjeçare. Sipas policisë ngacmimin dhe veprimet e turpshme burri i kishte kryer në hyrje të pallatit teksa e mitura kalonte.
NJOFTIMI I POLICISË:
Kreu veprime të turpshme ndaj një shtetaseje të mitur, në hyrje të pallatit ku ajo banonte, kapet dhe vihet në pranga 59-vjeçari. Specialistët e Seksionit për Hetimin e Krimeve të Komisariatit të Policisë Berat, menjëherë pas kallëzimit të marrë nga një 13-vjeçare, se shtetasi F. P., 59 vjeç, banues në Berat, kishte kryer veprime të turpshme ndaj saj, kanë kapur dhe vënë në pranga këtë shtetas. Dyshohet se 59-vjeçari i ka kryer veprimet e turpshme, ndaj shtetases së mitur, në hyrje të pallatit ku kjo shtetase banonte. Vijojnë veprimet hetimore për verifikimin e plotë të këtij kallëzimi. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme, për veprën penale “Vepra të turpshme”.
