DIBËR– Një aksident i rëndë është regjistruar pasditën e sotme në vendin e quajtur ‘’kryqëzimi i Bolonjës’’ në Peshkopi. Raportohet se dy makina janë përplasur me njëra-tjetrën dhe për pasojë ka mbetur i plagosur një këmbësor që rastësisht u gjend në vendin e ngjarjes. Blutë e Dibrës bëjnë me dije se ai është dërguar menjëherë në spital ku ndodhet nën kujdesin e bluzave të bardha. Ndërkohë grupi hetimor ka mbërritur në vendin e ngjarjes dhe po punon për zbardhjen e plotë të shkaqeve të aksidentit.
NJOFTIMI I POLICISË:
Rerh orës 17.35, në vendin e quajtur “kryqëzimi i Bolonjës”, qyteti i Peshkopisë, automjeti tip “Benz”, me drejtues shtetasin L.K., është përplasur me një automjet tjetër tip ‘Benz’, me drejtues shtetasin Xh. Zh. Si pasojë e përplasjes janë shkaktuar dëme materiale si dhe është lënduar lehtë shtetasi N.N,(këmbësor), i cili po merr ndihmë mjekësore në spital. Dy drejtuesit e mjeteve janë shoqëruar në Komisariat ndërsa grupi hetimor po punon për zbardhjen e rrethanave të aksidentit.
