DIBËR– Një ngjarje e rëndë është regjistruar në Dibër. Raportohet se Behar Reçi 37 vjeç është arrestuar nga Policia pasi akuzohet se në gjendje të dehur ka ushtruar dhunë psikologjike ndaj bashkëshortes së tij duke e detyruar atë të vetëvritej duke konsumuar lëndë helmuese.
I gjendur në një situatë të tillë ai ka marrë bashkëshorten, identiteti i së cilës nuk është bërë i ditur dhe është nisur për ta tranportuar vetë në spital. Por është përfshirë në një akaident pasi është përplasur me një makinë tjetër duke shkaktuar vetëm dëme materiale. Në momentin që efektivët i bënë tsstin e alkoolit
37-vjeçari rezultoi se drejtonte mjetin në gjendje të dehur i cili në përfundim të veprimeve të para hetimore u arrestua për veprat penale “Shkaktim i vetëvrasjes” dhe “Drejtimi i automjeteve në mënyrë të parregullt”. Gruaja ndodhet në spital nën kundesin e bluzave të bardha, jashtë rrezikut për jetën.
NJOFTIMI I POLICISË:
Ushtroi dhunë psikologjike ndaj bashkëshortes së tij, e cila konsumoi një sasi lënde helmuese duke rrezikuar jetën, 37 vjeçari në gjendje të dehur e transportoi me automjet bashkëshorten për në spital, por humbi kontrollin duke dalë nga rruga. Policia ka vënë menjëherë në pranga 37- vjeçarin dhe ka transportuar për në spital bashkëshorten e tij e cila ndodhet nën kujdesin e mjekëve.
Nga shërbimet e Komisariatit të Policisë Dibër u bë arrestimi në flagrancë për veprat penale “Shkaktim i vetëvrasjes” dhe “Drejtimi i automjeteve në mënyrë të parregullt”, i shtetasit B.R., 37 vjeç, banues në Dibër. Ky shtetas në gjendje të dehur ushtroi dhunë psikologjike ndaj bashkëshortes së tij 29-vjeçare dhe për pasojë kjo e fundit konsumoi lëndë helmuese duke rrezikuar jetën.
Shtetasi B.R., duke transportuar me automjet bashkëshorten e tij për ndihmë mjekësore në spital, ka humbur kontrollin mbi drejtimin e mjetit dhe për pasojë mjeti është përplasur me një mjet tjetër duke shkaktuar vetëm dëme materiale. Pas testit të alkoolit shtetasi B.R., ka rezultuar se drejtonte mjetin në gjendje të dehur i cili në përfundim të veprimeve të para hetimore u arrestua për veprat penale “Shkaktim i vetëvrasjes” dhe “Drejtimi i automjeteve në mënyrë të parregullt”. Materialet i kaluan Prokurorisë pranë Rrethit Gjyqësor Dibër për veprime të mëtejshme.
