ELBASAN– Një 45-vjeçar i identifikuar me inicialet M.Z ka humbur tragjikisht jetën këtë të premte në lagjen “Luigj Gurakuqi” në Elbasan pasi ka rënë nga lartësia. Mësohet se 45-vjeçari ka qenë duke lyer muret në një ndërtesë kur ka rënë aksidentalisht. Ai u dërgua menjëherë në spital nuk mundi që tu mbijetojë plagëve të shkaktuara nga përplasja me tokën. Policia po heton ngjarjen.
NJOFTIMI I POLICISË:
Elbasan/Informacion paraprak. Rreth orës 11:00, në lagjen “Luigj Gurakuqi”, shtetasi M. Z., rreth 45 vjeç, banues në Durrës (bojaxhi), duke lyer muret e një ndërtese, dyshohet se aksidentalisht ka rënë nga lartësia. Si pasojë e dëmtimeve, ky shtetas ka humbur jetën në spital. Grupi hetimor po punon për sqarimin e rrethanave të ngjarjes.
