FIER– Një ngjarje e rëndë është regjistruar në Fier këtë të mërkurë. Raportohet se një 32-vjeçare e identifikuar me inicialet A.A ka plagosur me thikë bashkëjetuesin e saj të identifikuar me inicilaet A.J, 32 vjeç pas një konflikti për motive të dobëta. I plagosuri është dërguar në spital ku ndodhet nën kujdesin e mjekëve. Mësohet se në momentin e ngjarjes burri ka qenë në gjendje të dehur.
NJOFTIMI I POLICISË:
Specialistët për Hetimin e Krimeve të Komisariatit të Policisë Fier arrestuan në flagrancë shtetasen A. A., 32 vjeçe, banuese në Fier, pasi gjatë orëve të para të mëngjesit, pas një konflikti për motive të dobëta, në banesën e saj, ka goditur me mjet prerës(thikë), bashkëjetuesin, shtetasin A. J., 32 vjeç, i cili është dëmtuar lehtë dhe ndodhet në spital, në kujdesin e mjekëve. Materialet i kaluan Prokurorisë për veprime të mëtejshme, për veprat penale “Dhuna në familje” dhe “Plagosje e lehtë me dashje”.
