FIER– Një aksident i rëndë është regjistruar në orët e para të mëngjesit në Fier. Raportohet se një makinë tip “Golf” ka rënë nga ura e Mbrostarit duke thyer barrierat e më pas ka përfunduar në ujërat e lumit Seman. Ende nuk dihet se sa persona janë në mjet pasi forcat zjarrfikëse ende nuk kanë bërë të mundur nxjerrjen e makinës pasi në këtë zonë lumi Seman është shumë i thellë.
Në vendin e ngjarjes është gjetur vetëm targa e automjetit që dyshohet se i ka rënë pas përplasjes me urën. Nga verifikimet e policisë rezulton se ajo është makinë e marrë me qira. Në lidhje me aksidentin policia ka ngritur një gruo hetimor, i cili po punon për zbardhjen e ngjarjes.
