GRAMSH– Një ngjarje e rëndë është regjistruar në qytetin e Gramshit mbrëmjen e 30 nëntorit ku një mjek është dhunuar në banesën e tij nga dy persona. Bëhet fjalë për mjekun Vladimir Shuli. Kanë qenë familjarët e tij ata që e kanë dërguar në Spitalin e Gramshit ku po merr dhe ndihmën mjekësore. Mësohet se ai ka marrë dëmtime të shumta në fytyrë dhe prej tre ditësh ndodhet në Spitalin e Traumës për kurim të specializuar. Policia lidhur me ngjarjen ka reaguar vetëm ditën e sotme. Sipas uniformave blu kjo është bërë për të ruajtur konfidencialitetin e hetimeve që po kryhen.
NJOFTIMI I POLICISË:
Mbrëmjen e datës 30 nëntor, është dërguar nga familjarët, në spitalin e Gramshit, për ndihmë mjekësore, pasi ishte dëmtuar në fytyrë, shtetasi V. Sh., 60 vjeç, me detyrë mjek. Nga veprimet paraprake hetimore, u konstatua se ky shtetas vuante nga probleme shëndetësore (hipertension). Në vijim të hetimeve të thelluara për këtë rast, Policia ka identifikuar 2 autorët e dyshuar dhe ka referuar materialet në Prokurori, për ta, pasi dyshohet se kanë goditur shtetasin V. Sh. Për të ruajtur konfidencialitetin e hetimeve që po kryhen në bashkëpunim me Prokurorinë pranë Gjykatës së Shkallës së Parë Elbasan, nuk bëhen të ditura të dhëna të tjera
