GREQI– Gazetari grek Antonis Chrysoulakis ka humbur tragjikisht jetën këtë të dielë pasi banesa e tij u përfshi nga flakët. Mediat greke shkruajnë se para vdekjes, ai sapo kishte mbaruar një raportim për një zjarr në një ndërtesë në Athinë në gazetën ku punonte.
Shkaqet e vdekjes mbetet ende të paqarta por dyshohet se ai u asfiksua nga tymi. Do të jetë mjekësia ligjore ajo që do të hedhë dritë mbi vdekjen e tij. Ndërkohë ndarja e tij nga jeta shkaktoi pikëllim në të gjithë stafin administrativ, gazetaresk dhe teknik të grupit Parapolitika, të cilët i shprehën ngushëllimet më të thella familjes së tij.
