GREQI– Një ngjarje e rëndë është regjistruar në Greqi ku një biznesmen grek, 53 vjeç ka përdhunuar një vajzë të mitur me origjinë shqiptare. Mediat greke shkruajnë se ai është arrestuar dhe ndodhet në burg. Ai u shpall fajtor nga gjykata ditën e djeshme ndërsa mësohet se 16-vjeçarja shqiptare ishte praktikante në kompaninë e 53-vjeçarit.
Dyshohet se të dy kanë kryer marrëdhënie seksuale jashtë biznesit të 53-vjeçarit. 53-vjeçari ka deklaruar se nuk e dinte moshën e të miturës, pasi fiziku i saj i ngjante atij të një gruaje dhe se lidhja e tyre dihej dhe nuk fshihej, pasi dilnin rregullisht. Ai thotë se nuk ka ushtruar asnjëherë dhunë ndaj saj. Por nga ana e saj, vajza shqiptare thotë se është shfrytëzuar nga biznesmeni 53-vjeçar dhe është mashtruar nga ai për ta joshur në akte seksuale.
Abuzimi i vazhdueshëm ndaj shqiptares dyshohet se është kryer në periudhën nga nëntori 2017 deri në shtator 2018, në vende jashtë biznesit të të pandehurit. Prindërit e të miturës në atë kohë raportuan ngjarjet dhe ngritën padi kundër biznesmenit ndërsa të njëjtin denoncim dyshohet se ka bërë edhe vëllai i saj. Ajo ka hezituar të flasë për atë që dyshohet se i ka ndodhur, por ka ngritur dyshimet e prindërve të saj kur papritur ka ndaluar së shkuari në kompaninë ku po praktikohej.
